Khwab Udano Ki.

Day:-125  Introduction 🙏🙏jai shree shyam Jai sanvariya Seth Radhe Radhe 🙏🙏 Har insaan ki zindagi mein ek na ek aisa daur zaroor aata hai jab sab kuchh uske khilaaf hota hua lagta hai. Kabhi logon ki baatein dil ko chot pahunchati hain, kabhi mehnat ka parinaam der se milta hai aur kabhi aisa lagta hai ki shayad hamari zindagi kabhi badlegi hi nahi. Aise samay mein sabse bada sawal ye nahi hota ki mushkilein kab khatam hongi. Sabse bada sawal ye hota hai ki hum khud ko mazboot kaise rakhein? Main bhi aaj apni manzil tak nahi pahunchi hoon. Main roz mehnat karti hoon, apne sapnon ke liye sangharsh karti hoon aur har din kuchh naya seekh ti hoon. Kai baar logon ka vyavahar dil ko dukh pahunchata hai, kai baar lagta hai ki meri mehnat ko koi samajh hi nahi raha. Lekin maine ek baat seekhi hai— agar hum apna hausla tootne denge, to sapne bhi dheere-dheere kamzor pad jayenge. Isliye maine faisla kiya ki mushkilein meri raftaar ko dheema kar sakti hain, lekin meri manzil ko nahi badal...

  Day:-124 Introduction 🙏🙏Jai shree shyam Jai sanvariya Seth Radhe Radhe 🙏 🙏  Kya aapne kabhi socha hai ki zindagi mein itni mushkilein kyon aati hain? Kabhi paison ki tension, kabhi logon ki baatein, kabhi apno ki umeedein aur kabhi apne sapnon ka bojh. Bahut baar lagta hai ki sab kuchh chhod diya jaye. Main bhi isi safar se guzar rahi hoon. Aaj bhi main kapdon ki shop par kaam karti hoon. Har din naye log milte hain, har din nayi chunautiyan saamne aati hain. Kabhi kisi ki baat dil ko chot pahunchati hai, kabhi thakan itni hoti hai ki lagta hai bas ab aur nahi. Lekin har mushkil din ke baad mujhe ek baat samajh aati hai— sangharsh humein rokne ke liye nahi, humein mazboot banane ke liye aata hai. Is article mein main wahi seekh share kar rahi hoon jo meri apni zindagi ne mujhe sikhayi hai. Agar aap bhi kisi mushkil daur se guzar rahe hain, to umeed hai ki ye baatein aapko himmat denge. Zindagi Mein Sangharsh Ka Asli Matlab Kya Hai? Sangharsh ka matlab sirf pareshani utha...

 Day:-123 🙏🙏 Jai Shree Shyam, Jai Sanwariya Seth, Radhe Radhe. 🙏🙏 Aaj Day 123 hai . Kaafi dinon baad main phir se apne blog ke zariye aap sabke beech wapas aayi hoon. Pichhle kuchh dino se main naye articles likhne ke bajay apne purane posts ko aur behtar banane mein lagi hui thi. Har article ko dhyan se padha, uski kamiyaan door ki aur use is tarah taiyar kiya ki padhne wale ko sirf meri kahani hi nahi, balki usse zindagi ki ek achhi seekh bhi mile. Aaj Jagannath Rath Yatra ke shubh avsar par mujhe laga ki meri nayi shuruaat ke liye isse achha din koi aur ho hi nahi sakta. Jis tarah Bhagwan Jagannath ka rath har saal lakhon bhakton ke beech nikalta hai, usi tarah zindagi bhi humein rukne ke liye nahi, balki har mushkil ke baad phir se aage badhne ki prerna deti hai. Jagannath Rath Yatra Sirf Ek Tyohar Nahi, Jeevan Ki Ek Prerna Hai Har saal Ashadh maas mein nikalne wali Jagannath Rath Yatra sirf Bharat hi nahi, balki poori duniya ke karodon shraddhaluon ke liye aastha, seva aur...

     🙏🙏 Jai Shree Shyam, Jai Sanvariya Seth, Radhe Radhe! 🙏🙏 Day:122 Doston, aaj mere dil mein ek tufan sa chal raha hai aur main us tufan ko aap sabke saath baantna chahti hoon. Humare samaj mein ek purani soch chali aa rahi hai—kya " degree " hi sab kuch hai? Kya bina kisi bade certificate ke ek insaan ke talent ki koi kimat nahi hai? Mujhe bahut takleef hoti thi jab main khud ko kisi kaam ke liye puri tarah saksham paati thi, par main kar nahi paati thi. Kyun? Sirf isliye kyunki main ' non-matric' hoon. Mujhe sharam aati thi, logon ke taane sunne padte the. Log kehte the, " Tumse kuch nahi hoga. " Un taanon ne mere dil par gehri chot ki thi. Par aaj... aaj mujhe khud par aur mere Khuda par garv hai. Aaj main yahan hoon, us ladki ki tarah jo kal tak email tak nahi bana paati thi, par aaj apna blog khud chala rahi hai. Iska pura credit mere Baba Shyam aur Sanvariya Seth ko jata hai. Agar unka hath mere sir par na hota, toh main aaj yahan nahi...

 🙏🙏 Jai shree shyam Jai sanvariya Seth Radhe Radhe."!🙏🙏 Author’s Note: "Mujhe is post ko share karne mein thodi deri hui kyunki main apni health aur kuch personal challenges se guzar rahi thi. Par aap logon ka support aur motivation hi hai jo mujhe har din behtar kaam karne ki himmat deta hai. Mere saath bane rehne aur motivate karne ke liye bahut-bahut dhanyavad. Aapka har ek visit mere liye bahut mayne rakhta hai. Aage bhi aise hi apna support banaye rakhein. 🌸✨ " Day:121; Introduction: Aaj har koi internet se judna chahta hai, lekin ek beginner ke liye ye raasta jitna exciting hai, utna hi risky bhi. Jab maine apni digital journey shuru ki thi, tab mere paas sirf ek mobile tha aur dher saare sapne . Maine dekha hai ki kaise log beginners ko phasa kar unka waqt aur paise barbad karte hain. Is blog mein, main aapko bataungi ki kaise aap ek beginner hokar bhi safe reh sakte hain aur apna digital empire khada kar sakte hain. Heading 1: Online Scams se ...

 🙏🙏 "Jai shree shyam Jai sanvariya Seth Radhe Radhe."!🙏🙏 Day:120; Sabse pehle aap sabhi se haath🙏🙏 jodkar maafi chahti hoon ki kal main apna register complete nahi kar pai aur post nahi daal saki. Sach bolun toh kal kaam ka bojh bahut zyada tha. Jaise maine pehle bhi ek baar bataya tha na, baazar mein customer aate hain, bahut sare kapde khul-wate hain, packing khulti hai aur phir un sabko akele sametna padta hai. Kal dukan par main bilkul akeli thi. Poori dukan ko badhate-badhate, kapde sariya kar rakhte-rakhte mujhe raat ke 10:30 baj gaye jab main ghar pahunchi. Sharir aur dimaag itna thak chuka hai ki bilkul himmat nahi bachi thi. Lekin aaj subah uthte hi maine socha ki chahe jo ho jaye, apne parivar (yaani aap sabhi) se door nahi rahungi. Shayari: " Udaas nahi hona kyunki safar abhi jaari hai, Aaj bhale hi mushkil ho, par kal ki subah hamari hai. Jab dimaag thak jaye toh dil ki baat suno, Baba Shyam ke charnon mein hi sabse badi samajhdari hai." 🙏✨ Introd...