About Us

 

"Main Baba Shyam ki wo laadli beti hoon jisne 10 saal ki khamoshi aur har sitam ke baad apni 'Udaan' shuru ki hai. Mera blog #🌠Khwab udano ki🌠# meri wajood ki ladai hai.

Maine 2020 mein ek personal diary likhna shuru kiya tha jab mujhe apno ne hi akela chhod diya tha. Aaj main wahi purani diary aur apne anubhavon (experiences) ke zariye un sab housewives aur mahilaon ko prerit (inspire) karna chahti hoon jo ghar ki chaar-diwari mein ghut rahi hain.

Mera Maqsad: Ek aisa ghar banana jahan samman ho, aur ek aisa career khada karna jo kisi degree ka mohtaj na ho. Main 'Non-Metric' hoon, garib ghar se hoon, lekin mere sapne asman se unche hain. Mujh par lagaye gaye ilzam aur diye gaye taane hi ab meri taqat hain.

Yahan aapko meri diary ke panna, meri zindagi ke sangharsh aur jeet ki kahaniyan milengi. Ye safar ab rukega nahi."


Comments

Post a Comment

Popular Posts

Khwab Udaano Ki – Dard Se Jeet Tak Ka Safar

Image
🙏🙏" Jai Shree Shyam jai sanvariya Seth Radhe Radhe"! 🙏 🙏  Aaj main apne dil ka wo panna khol rahi hoon jo maine ab tak chhupa kar rakha tha. Maine apni zindagi mein wo din dekhe hain jab apno ki berukhi aur halaton ne mujhe bilkul tod diya tha. Ek waqt tha jab mujhe lagta tha ki ab sab khatam ho gaya... Lekin wahi mere liye ek nayi shuruat thi. Jab duniya ne sath chhoda, tab mere ' Baba Shyam ' ne mera hath thama. Unhone mujhe sikhaya ki marna aa saan hai, par muskurakar jeena asli jeet hai. Khwab Udaano Ki: Dard Se Jeet Tak Ka Safar (Mera Wajood, Meri Kahani) Shuruat: Ek Toota Hua Khwab Ya Ek Nayi Udaan? Logon ko lagta hai ki ye sab maine shauk mein shuru kiya hai. Unhe lagta hai ki ye sirf ek housewife ka timepass hai. Lekin unhe kya pata ki ye mere bikhre huye sapno ko sametne ki ek koshish hai. 2020 mein jab maine likhna shuru kiya tha, tab wo meri ek personal diary thi—mera wo akela kona jahan main sukoon dhundti thi jab charo taraf...
.

Day 67: Meri Khamoshi ka Gunaah aur 10 Saal ka Hisaab

Image
  🙏🙏 Jai Shri Shyam aur Radhe Radhe!🙏🙏 Aaj Day 67 hai. Aaj main wo parda uthane ja rahi hoon jo pichhle 5-6 saalon se meri zindagi par pada tha. Log mujh par shaq karte the, puchte the—' Ye phone mein kyun ghusi rehti hai? Password kyun hai?' Aaj un sab sawalon ka jawab dene ka waqt aa gaya hai. 10 Saal ka Intezar aur Ek-Ek Mauka: Meri shaadi ko 10 saal ho gaye. In 10 saalon mein maine kitne mauke diye, ye sirf mera ' Baba shyam aur laddu Gopal  janta hai. Har baar mera pati bolta tha—' Mujhe ek mauka do, main sab theek kar dunga .' Par wo insaan kabhi nahi badla. Jab shaadi ke baad bhi saara kharch ladki ke maa-baap ko hi uthana pade, toh aisi shaadi ka kya matlab? Jab main apne maa-baap ke ghar gayi, toh mujhe ' Bhagoda ' sabit kar diya gaya. Khane , peen ne, pehnne ... har cheez ke liye taane diye gaye. Kahin ghumne bhi gaye, toh ek-ek rupaye ka hisaab ginwaya gaya. Kya yahi insaaf hai? Kyun banayi maine 'Digi...
.

Day 93: Bulava Jab Aata Hai, Toh Raste Apne Aap Ban Jate Hain

Image
 🙏🙏 Jai shree shyam Jai sanvariya Seth Radhe Radhe."! 🙏🙏 Anjan Manzil ki Shuruaat Salasar Balaji ke darshan ke baad hamara agla padao Sujangarh tha. Garmi bahut thi aur rasta kareeb 2 ghante ka tha. Humara maksad sirf wahan se train pakadna tha, par upar wale ka plan kuch aur hi tha. Rajasthan ki is dharti par humein " Mini South India" ke darshan honge, aisa humne sapne mein bhi nahi socha tha. Hum bas station pahunchne ki jaldi mein thay, par shayad Balaji chahte thay ki hum thoda waqt unke is anokhe roop ke saath bita-yein. Venkateshwar Mandir ka Chamatkar Sujangarh ka ye Venkateshwar Mandir ek bhakt ki sachi shradha ka natija hai. Kehte hain 1990 ke dashak mein ek vyapari ne mushkil kanooni case se nikalne ke liye Tirupati Balaji se mannat maangi thi. Manat poori hone par unhone thik Tirupati jaisa hi bhavya mandir yahan Rajasthan mein banwaya. South India se kari-garon ko bulakar iski ek-ek deewar par jo nak-shee ki gayi hai...
.