Day 46: Thakan se Manzil tak ka Safar – Meri Kahani
Aksar log mujhse puchte hain ki itna sab kuch ek saath kaise manage ho jata hai? Kabhi-kabhi mere dimag mein bhi ye sawal ghoomta hai. main khud se hi puchti hoon, aur khud mein hi shant ho jati hoon. khaas kar jab subah uthte hi dimag par zimmedariyon ka bojh hota hai aur shareer thakan se choor hota hai. joh manzil bhi toh la-jawab hogi.
Junoon aur Zidd ka mel
Mera din suraj nikalne se hi shuru ho jata hai. Ek taraf mera sili centre hai jahan main naye hunar seekh ti hoon, toh doosri taraf meri job hai Jo mujhe aage badhne ka hosla deti hai. Log kehte hain ki mobile mein hi busy rehti hai, thakti nahi jati hoon. Unhe kaise bataun ki jab sapne aankhon mein ho toh neend aur thakan dono se dosti Karni padti hai. mera pura din bas ek bhaag daud hai - ek kaam se doosra kaam, aur Phir ghar ki zimmedariyan.
Jab mann chidchida Ho Jaye
Sach Kahun toh aaj subah mera mood bahut chidchida tha. Kabhi-Kabhi lagta hai ki shareer Jawaab de raha hai. Kamar me dard ho ye dimag ki thakan. sab milkar mujhe rokne ki koshish karte hain. Isi chidchidapan mein, Ab mujhe bahut bura lag raha hai, par kya karoon? Jab mann bhara ho aur koi haal tak na puche, main bas thodi thaki hoon. hari nahin hoon. mere zidd meri thakan se kahin zyada badi hai.
mere Laddu ki Narazgi aur ye zakhm
aaj meri koshishon ka imtihan shayad thoda aur gehra tha. Jab dukan par main puja karne baithi, toh mere Laddu Gopal mujhse gussa ho gaye. main unka singhasan saja rahi thi hi hath slip hua aur unhone mujhe chot de di. khoon nikalne laga, par dard se zyada dukh is baat ka hua ki wo mahashay munh Fula kor baithe hain. maine toh bas wahi maanga Jo mera haq hai . shayad wo meri is zidd se naraz hain. Par main bhi unki hi bachi hoon, maan gungi nahi toh jayungi kahan? Is waqt bas andhera dikh raha hai. har taraf andhera. bas ek rasta, ek roshni mere blog ki hai, Jispe main chal rahi hoon. Pata nahin isme SUCCESS Kab milegi. abhi bas andhera hai.
Baba ra Darbar aur meri Shanti
Jab din bhar ki thakan mujh par haavi hone lagti hai, tab main chalti hoon apne asli sahare ki taraf - Baba Shyam ke darbar mein. wahan ki shanti, wo dhup ka dhuan, aur Baba ke darshan... meri saari din bhar ki thakan jaise minto mein gayab ho jati hai. wahan baith kar mujhe ehsas hota hai ki main akeli nahi hoon. Jab tak unka hath mere sar par hai, main gir kar bhi sambhal jaungi.
Raat ka sukoon aur mera Blog
Raat re 10:30 baj rahe hote hain jah duniya sone ki taiyari karti hai, tab main apna phone lekar baithti hoon. ye blog meri thakan mitane ra ek zariya hai. Log puchte hain itna busy reh kar bhi likhti kaise ho? unhe nahi pata ki ye meri "therapy" hai. har ek shabd Jo main yahan likhti hoon, wo mere andar ek nayi Umeed Jagata hai.
Aakhri Baat
Dosto, agar aapki zindagi mein bhi mushkilein hain, agar aap bhi thak rahe hain, toh yaad rakhiye - Pariksha unhi ki hoti hai Jo koshish karte hain. aaj main thaki hoon, shayad thoda gussa bhi hoon, par haar nahin maani hai. Kal Phir wahi schedule hoga, wahi mehnat hogi, aur wahi junoon hoga. Kyunki mujhe pata hai, meri udaan abhi baaki hai. Baba Shyam mere saath hain, main chalti rahungi
🙏🙏 Jai shree shyam 🙏 🙏
Engagement Section (Like/Comment/Share)
Like ❤️: Agar aapko meri sachi kahani achhi lagi.
Comment 💬: Aapka ek pyara sa comment mujhe himmat deta hai.
Share 📲: Un dosto ke saath jo zindagi ki thakan se lad rahe hain.
Day 45 ka Link (Previous Post) 🔗
👉https://khwabudanoki.blogspot.com/2026/03/day-45-ek-khamosh-zidd-aur-45-dinon-ka.html)
Powerful Hashtags for Success 🚀
#Khwab Udano Ki #Day 46 #Zindagi Ki Sachai #HardWork #Baba Shyam #MyStory #Motivation #Never Give Up #Struggle To Success #Emotional Post #Indian Blogger
Comments
Post a Comment