Day 103: Shyam Baba ko Arji Kaise Lagayein? Kya Sirf Bol Dene Se Kaam Ho Jata Hai?

 

🙏🙏 Jai shree shyam Jai sanvariya Seth Radhe Radhe."🙏🙏

 Shyam Baba ke Darbaar Mein Arji – Samarpan ki Agni-Pariksha.

Aaj Kuch Samajh Nahi Aa Raha Tha..."

Sach kahun toh aaj likhne baithi toh dimaag ekdum khaali tha. Kuch samajh nahi aa raha tha ki kya likhun. Par kal Ekadashi thi, aur dhyan aaya ki har koi ek hi sawal puchta hai—"Baba ko arji kaise lagayein?" Maine socha, kyun na aaj main apna anubhav share karun?

1. Arji ke Tarike: Nariyal, Mauli ya Sirf Prem?

Duniya mein log arji lagane ke bahut se tarike batate hain:

Koi kehta hai Nariyal baandho.

Koi kehta hai Mauli ya Rumal ka chad-hawa chad-hayo.

Par mera tarika thoda alag hai. Main kaise arji lagati hoon?

Mere liye arji ka matlab sirf ek hai—Purn Samarpan.  Jab aapke paas kuch na ho, toh bas dono hath uthakar ya bina hath uthaye bhi, dil se unhe pukaar lo. Bas itna keh do, "Baba, mujhe samajh nahi aa raha, ab aap hi sambhalo." Vishwas maniye, wo pal bhar mein sunte hain. Der ho sakti hai, par andher nahi.

2. Beti ka Haq: "Tujhe Aana Hi Hoga"

Log bhagwan se darte hain, par main unse haq se baat karti hoon. Main unhe 'Aap', 'Tum' aur kabhi-kabhi 'Tu' bhi keh deti hoon. Kyunki ek beti apne pita se har tarah se baat kar sakti hai.

Maine Baba se nahi suna tha ki "tumhen aana hoga," balki maine Baba ko haq se bola tha—"Baba, tujhe aana hi hoga!" Aur dekhiye unka chamatkar, matra 2 minut ke andar wo mere ghar aa gaye. Jab unhe aana hota hai, wo kisi madhyam ka intezar nahi karte, wo raasta khud bana lete hain.

3. Meri Agni-Pariksha aur Unka Sahara

Aap sab jante hain ki meri zindagi ki pariksha kitni kathor rahi hai.

Apno ne beizzat kiya, ghar se door hona pada.

Rishton ne saath chhoda aur badnami mili.

Jab har rasta band dikha, tab samajh aaya ki Baba ne mujhe duniya se alag karke apne paas bulaya hai.

Aaj main akeli khadi hoon, par kamzor nahi. Wo mujhe har roz ek aisi 'and-huni shakti' dete hain ki main har roz phir se khadi ho jati hoon.

4. Arji ya Sauda?

Log Baba se sauda karte hain ki "ye kaam kar do toh ye chadhaunga." Par Baba rishwat ke nahi, Bhav ke bhukhe hain. Jab aap bebas hokar kehte hain, "Baba, meri ladai ab aapki hai, main haar gayi," wahi pal hota hai jab aapki arji lag jati hai.

Shayari

"Hath uthakar toh sab mangte hain zamane mein,

Mazaa toh tab hai jab wo bin kahe sab samajh jaye,

Sauda karna toh dastoor hai duniya ka,

Par maza toh tab hai jab wo hamara 'Bhav' samajh jaye."

Seekh (Conclusion):

Bhagwan ko pane ke liye mantron se zyada Vishwas ki zaroorat hai. Jab duniya aapko girane ki koshish kare, toh samajh lijiye ki Baba aapko uthane ki taiyari kar rahe hain. Wo rank ko raja banane mein der nahi lagate, bas hamare sabar ki pariksha lete hain.

Shukriya Saaware, har us chot ke liye jisne mujhe tere aur kareeb laya!

Shayari

Mera ,garv,  mera vishwas, sab tere naam hai,

Duniya thukraye toh kya, mera Baba mere saath hai.

Log puchte hain meri taqat ka raaz,

Main kehti hoon, mera Sanvariya hi meri awaaz hai."

Hashtags:

#Jaishree shyam #Shyam baba #Sanvariya seth #Ekadashi special #Mera vishwas #Khwab Udano ki #Bhakti Shakti #Ardaas #Samarpan #House wife To Blogger #Success story."

Engagement & Linking Section

Agar aapko ye post pasand aayi ho, toh ise zaroor karein:

Like: Is post ko apna pyaar dein.

Comment: Comment mein 'Jai Shree Shyam' zaroor likhein aur batayein ki aap Baba ko arji kaise lagate hain?

Share: Apne doston aur parivaar ke saath ise share karein taaki unhe bhi sukoon mile.

Pichli Post ka Link (Day 102):

Agar aapne Rani Padmini ki wo veerta bhari kahani nahi padhi, toh niche diye link par click karein:

👉 Day 102: Rani Padmini ka Amar Suhaag aur Jauhar ki Jwala"