Kya Nari Sashaktikaran Sirf ek Shabd Hai? Ek Dil ki Pukaar

 🙏🙏"Jai shree shyam Jai sanvariya Seth Radhe Radhe."🙏🙏

Day:113:113 din ka sangharsh aur har din khud ko behtar banane ka vada. Zimmedariyan badi hain, par mera hausla unse bhi zyada."

Aaj jab main apni diary ke panne palat rahi hoon, toh aisa lag raha hai jaise meri apni zindagi ki ladai aur samaj ki kadvayi se aamne-samne khadi ho. Nari  sashaktikaran ki badi-badi baatein hum roz sunte  hain, par kya sach mein hum sashakt hain? Jab main choti bacchiyon ke saath hone wale darindgi ke kisson ko sunti hoon, toh mera dil kaa-np uthta hai. Ek 2-3 saal ki bachi, jise duniya ka matlab bhi nahi pata, uske saath aisa ghinauna apraadh? Aur sabse dukh ki baat yeh hai ki aaj ka samaj aur wo darinde ye sochne lage hain ki ladkiyan sirf unki ichcha on ki katputli hain.

Samaj ki gandi mansikta

Logon ko lagta hai ki ladkiyan ya auratein sirf unki ungliyon par naachne wali chiz hain. Kya ek ladki ki apni koi ichha, koi maryada ya koi izzat nahi hoti? Jab main dukan par baithti hoon aur kaam sambhalti hoon, toh kai baar mehsoos hota hai ki log humein kitne halke mein lete hain. Jab tak aap chup raho, sab thik hai, par jahan aapne apni awaaz uthayi, wahan allegation lagane mein der nahi karte.

Yeh kaisi insaniyat hai jahan ek rapist bade fakr se apni galti kabool karta hai? Kya hum aise samaj mein reh rahe hain jahan ek maa apni beti ko ghar se bahar bhejne se pehle sau baar darti hai?

Maine bahut se saste options dekhe, par bacchon ki safety ke mamle mein main quality se koi samjhauta nahi karna chahti. 4-5 hazaar rupaye ek surakshit bhavishya aur sukoon ke liye bahut choti rakam hai. Isliye, main sirf wahi cheezein suggest kar rahi hoon jin par main khud bharosa karti hoon."

https://amzn.to/4uEgOPq

Baba Shyam aur mera atoot vishwas

Main jab bhi pareshan hoti hoon, toh mere Sanwariya Seth, mere Baba Shyam hi mera sahara bante hain. Woh mujhe har din ladne ki shakti dete hain. Maine unhe dekha hai, unse sikha hai ki jab duniya saari raahein band kar de, tab bhi vishwas ka ek diya jalaye rakhna chahiye. Mere liye sashaktikaran ka matlab sirf bahar ki duniya se ladna nahi, balki apne andar ke darr ko mitana hai. Jo kathorata aaj mujhmein aa gayi hai, wo mere Baba ne di hai taaki main bura-yi ke samne na jhuku.

Meri kathorata meri shakti hai

Zindagi ke thapado ne mujhe badal kar rakh diya hai. Main ab wo purani ladki nahi rahi jo har baat par chup rehti thi. Yeh kathorta meri kamzori nahi, meri shakti hai. Ab agar koi mujh par ungli uthayega, toh main use kanoon ki bhasha mein jawab dena janti hoon. Sasha-kti-karan ka matlab hai apne haq ke liye khade hona aur galat ko galat kehne ki himmat rakhna. Ab aur khamoshi nahi!

Sarkar aur kanoon se meri maang

Main sirf ek aurat nahi, ek jivant insaan hoon jo apne haq ke liye lad rahi hai. Aise darindo ke liye koi maafi nahi honi chahiye. Jab tak "phansi" aur "fast-track court" jaise faisle jaldi nahi honge, tab tak ye darinde khuleaam ghumenge. Humein samaj mein aisa darr paida karna hoga ki kisi ki himmat na ho ek bachi ki taraf aankh utha kar dekhne ki.

Mera Sandesh

Doston, aaj main aapse bas itna kehna chahti hoon—apni betiyon ko sirf padhaai mat sikhaiye, unhein apne haq ke liye ladna sikhaiye. Unhein sikhaiye ki wo kisi ke aage jhuk- ein nahi. Jab main apne sasural aur duniya mein kadam rakhungi toh main isi vishwas ke saath chalti hoon ki mere sath mere Baba Shyam hain aur mere haathon mein kanoon ka sahara.

Aaiye, hum sab milkar is gandi mansikta ke khilaf khade hon. Main akele nahi, balki aap sabke saath milkar ek aise samaj ka nirman karna chahti hoon jahan har ladki azadi se aur samman ke saath saans le sake. Kyunki jab tak ek bhi aurat ya bachi surakshit nahi hai, tab tak ye desh sach mein sashakt nahi ho sakta.

Hashtag #

#Nari Sasha kti karan #Justice For Beti #Women Empowerment #SpeakUp #Beti Bachao #Inner Strength #Shayari #Bloggers Of India #Social Justice #Baba Shyam Ki Ladli# jai sanvariya seth.

Shayari. 

"Main wo aag hoon jo ab bujhayi nahi jaati,

Main wo awaaz hoon jo ab dabayi nahi jaati.

Meri khamoshi ko meri kamzori mat samajhna,

Main wo shakti hoon jo ab jhukayi nahi jaati!"

Call to action,:

Doston, mere har shabd mein mera sach hai aur har koshish mein meri imandari. Agar aapko lagta hai ki ye awaaz har ghar tak pahunchi chahiye, toh is blog ko like kariye Apne doston ke sath share kariye. commet mein Jay Shree Shyam likhiye aur mere blog ko follow kariye.Mera pichhla blog, jahan maine apne dil ki baat kahi thi, use yahan padhein👇:,

[https://khwabudanoki.blogspot.com/2026/05/sangharsh-se-safalta-tak-meri-kahani.html]"

🙏🙏" Jai shree shyam Jai sanvariya Seth Radhe Radhe".!🙏🙏