Sangharsh Se Safalta Tak: Meri Kahani, Mere Kanooni Haq aur Baba Shyam Ka Saath

 



🙏🙏 "Jai shree shyam Jai sanvariya Seth Radhe Radhe."🙏🙏

Day 112: Sangharsh Se Safalta Tak – Mere Kanooni Haq aur Baba Shyam Ka Saath

Zindagi mein kabhi-kabhi hum aise mod par khade hote hain jahan se peeche mudna mumkin nahi hota aur aage ka raasta dhundhla nazar aata hai. Main bhi wahi khadi thi, jab mujhe mere hi ghar se nikaal diya gaya. Tab mujhe apne kanooni haq ka ek percent bhi gyaan nahi tha.

Main bina koi sawaal kiye, bina apna haq maange chupchap nikal gayi. Lekin aaj, main wahi galti dusri behenon ko nahi karne dena chahti. Isliye, mera ye blog sirf meri 'Digital Diary' nahi, balki un sabhi auraton ke liye ek aaina hai jo chup-chap zulm seh rahi hain.

Meri Galti, Aapka Sabak

Jab main sasural se nikli, toh main bahut darr gayi thi. Par ab main samajhti hoon ki hum auraton ko apne adhikaaron ke baare mein jagruk hona hoga.

Gharelu Hinsa (Domestic Violence Act): Ghar se nikaala jana sirf ek takleef nahi, ek kanooni apradh hai. Aap court se 'Right to Residence' (ghar mein rehne ka haq) maang sakti hain.

Maintenance (Section 125 CrPC): Apna aur apne bacchon ke bharan-poshan ka haq aapka kanooni adhikar hai.

Stree dhan: Shadi mein mila har gehna aur saman sirf aur sirf aapka hai. Is par sasural walon ka koi haq nahi hai.

Sangharsh—Ek Vardaan ya Saza?

Log kehte hain main bahut khush hoon, par mere andar ka toofan sirf main aur mere Baba Shyam jante hain. Main dukaan par naukri karti hoon, logon ki baatein sunti hoon, aur thak kar jab ghar aati hoon, toh shareer jawab de deta hai.

Par main ruki nahi! Main ek 'Nan-Matric' ladki hoon. Mujhe tech ki zyada samajh nahi hai, par main roz nayi skills seekh rahi hoon. Main isliye thak kar nahi baithti kyunki mujhe pata hai ki agar sangharsh na hota, toh main kabhi ek blogger banne ka sapna bhi nahi dekh sakti thi.

Ek Nai Shuruat

Bhagwan ka lakh-lakh shukriya ki unhone meri zindagi mein sangharsh laya, kyunki isi sangharsh ne mujhe "Aatmanirbhar" banne ka raasta dikhaya hai. Bina sangharsh ke mili hui cheez ki kadar nahi hoti, isliye main is safar mein shikayat nahi, sirf "Thank You" bolti hoon. Jo hua, uske liye bhi, aur jo ho raha hai, uske liye bhi.

Aap Mere Sacche Gavah Ho

Jab mere apne rishton ne saath chhoda, tab Baba Shyam aur Sanwariya Seth ne mera haath thaama. Aaj aap log jo mera blog padh rahe hain, aap is safar ke 'sacche gavah' hain. Main abhi seekh rahi hoon, galti kar rahi hoon, par main haar nahi maanoongi.

Mera Aap Se Ek Wada

Main ek din waisa mukam hasil karke dikhaungi jo maine sapno mein dekha hai. Main chahti hoon ki aap log mujhe support karein. Agar aapko lagta hai ki ek ladki apni mehnat se kuch bada kar sakti hai, toh please mere blog ko Follow karein, Comment karein aur Share karein. Zindagi mein sangharsh isliye zaroori hai taaki aapko pata chale ki Bhagwan ne aapko kis maqsad ke liye chuna hai. Main lad rahi hoon, main badh rahi hoon, aur Baba Shyam ki kripa se main zarur jeet-ungi.




"Dukan par kaam karte waqt ya blog likhte waqt, mere phone ki battery aksar khatam ho jati hai. Isliye main hamesha apne saath ek reliable Power Bank rakhti hoon, taaki mera kaam kabhi na ruke. Agar aap bhi lambe safar par hain ya meri tarah busy rehti hain, toh ise check kar sakti hain: 

[https://amzn.to/4e5TWkP]



Dil se, aap sabka shukriya!

Shayari

"Mushkilon ka daur hai, par hausla abhi baaki hai,

Main ruki nahi hoon, abhi mera asli safar baaki hai.

Baba Shyam ka haath hai mere sar par,

Apni pehchan banane ka junoon abhi baaki hai."

Hashtag #

#Nari shakti #Legal rights #Blogging journey # jai Baba Shyam # Self Dependence#Day112 #Sangharsh# jai sanvariya seth.


Call to Action (CTA):

Doston, kya aapne bhi apni zindagi mein kabhi aisa sangharsh dekha hai? Mujhe comment mein zaroor batayein, mujhe aapki kahani padh kar bahut achha lagega. Aur haan, agar aapko lagta hai ki ye post kisi aur ke kaam aa sakti hai, toh ise share karke mujhe support karein. Mera pichhla block ka link yahan pade

[https://khwabudanoki.blogspot.com/2026/05/nari-sashaktikaran-ka-sach-kya-hum-sirf.html

Mera pichhla block

🙏🙏" Jai Shri Shyama jai sanvariya seth radhe radhe."!


Comments

Post a Comment

Popular Posts

Khwab Udaano Ki – Dard Se Jeet Tak Ka Safar

Image
🙏🙏" Jai Shree Shyam jai sanvariya Seth Radhe Radhe"! 🙏 🙏  Aaj main apne dil ka wo panna khol rahi hoon jo maine ab tak chhupa kar rakha tha. Maine apni zindagi mein wo din dekhe hain jab apno ki berukhi aur halaton ne mujhe bilkul tod diya tha. Ek waqt tha jab mujhe lagta tha ki ab sab khatam ho gaya... Lekin wahi mere liye ek nayi shuruat thi. Jab duniya ne sath chhoda, tab mere ' Baba Shyam ' ne mera hath thama. Unhone mujhe sikhaya ki marna aa saan hai, par muskurakar jeena asli jeet hai. Khwab Udaano Ki: Dard Se Jeet Tak Ka Safar (Mera Wajood, Meri Kahani) Shuruat: Ek Toota Hua Khwab Ya Ek Nayi Udaan? Logon ko lagta hai ki ye sab maine shauk mein shuru kiya hai. Unhe lagta hai ki ye sirf ek housewife ka timepass hai. Lekin unhe kya pata ki ye mere bikhre huye sapno ko sametne ki ek koshish hai. 2020 mein jab maine likhna shuru kiya tha, tab wo meri ek personal diary thi—mera wo akela kona jahan main sukoon dhundti thi jab charo taraf...
.

Day 67: Meri Khamoshi ka Gunaah aur 10 Saal ka Hisaab

Image
  🙏🙏 Jai Shri Shyam aur Radhe Radhe!🙏🙏 Aaj Day 67 hai. Aaj main wo parda uthane ja rahi hoon jo pichhle 5-6 saalon se meri zindagi par pada tha. Log mujh par shaq karte the, puchte the—' Ye phone mein kyun ghusi rehti hai? Password kyun hai?' Aaj un sab sawalon ka jawab dene ka waqt aa gaya hai. 10 Saal ka Intezar aur Ek-Ek Mauka: Meri shaadi ko 10 saal ho gaye. In 10 saalon mein maine kitne mauke diye, ye sirf mera ' Baba shyam aur laddu Gopal  janta hai. Har baar mera pati bolta tha—' Mujhe ek mauka do, main sab theek kar dunga .' Par wo insaan kabhi nahi badla. Jab shaadi ke baad bhi saara kharch ladki ke maa-baap ko hi uthana pade, toh aisi shaadi ka kya matlab? Jab main apne maa-baap ke ghar gayi, toh mujhe ' Bhagoda ' sabit kar diya gaya. Khane , peen ne, pehnne ... har cheez ke liye taane diye gaye. Kahin ghumne bhi gaye, toh ek-ek rupaye ka hisaab ginwaya gaya. Kya yahi insaaf hai? Kyun banayi maine 'Digi...
.

Day 93: Bulava Jab Aata Hai, Toh Raste Apne Aap Ban Jate Hain

Image
 🙏🙏 Jai shree shyam Jai sanvariya Seth Radhe Radhe."! 🙏🙏 Anjan Manzil ki Shuruaat Salasar Balaji ke darshan ke baad hamara agla padao Sujangarh tha. Garmi bahut thi aur rasta kareeb 2 ghante ka tha. Humara maksad sirf wahan se train pakadna tha, par upar wale ka plan kuch aur hi tha. Rajasthan ki is dharti par humein " Mini South India" ke darshan honge, aisa humne sapne mein bhi nahi socha tha. Hum bas station pahunchne ki jaldi mein thay, par shayad Balaji chahte thay ki hum thoda waqt unke is anokhe roop ke saath bita-yein. Venkateshwar Mandir ka Chamatkar Sujangarh ka ye Venkateshwar Mandir ek bhakt ki sachi shradha ka natija hai. Kehte hain 1990 ke dashak mein ek vyapari ne mushkil kanooni case se nikalne ke liye Tirupati Balaji se mannat maangi thi. Manat poori hone par unhone thik Tirupati jaisa hi bhavya mandir yahan Rajasthan mein banwaya. South India se kari-garon ko bulakar iski ek-ek deewar par jo nak-shee ki gayi hai...
.