#🌠Khwab udano ki🌠#

  Sab bolte hain tumhe kuch nhi pta Date: 27 January 2020 Time: 06:30 PM (Shaam) "Ghar mein sab Puri jane ki baten kar rhe hain. February mein jane ka plan ban rha hai. Main thoda khush thi ki shayad bahar jakar sab thik ho jaye, par yahan bhi sabne mujhe tokna shuru kar diya. Packing ko lekar sab apna gyan de rhe hain. Bol rhe hain 'Puri mein thand nhi hoti, tum pagal ho itne kapde kyu rakh rhi ho, tumhe kuch pta nhi hai.' Maine doctor se pucha aur photo cutting bhi dekhi par koi meri sunta hi nhi. Sab bol rhe hain tum 10th pass ko kya pta. Dekhte hain ye safar kaisa rehta hai, bas darr lagta hai ki wahan bhi sirf gusa aur taane hi na mil e."

  Date: 24 January 2020 Time: 04:30 PM (Dopehar) Mera Bezubaan Dost aur Meri Majboori "Ghar mein sab Puri jane ki taiyari kar rhe hain. Sab khush hain, par mera man bahut udas hai. Mere paas mera pyara tote (parrot) hai, jo mere dil ke sabse kareeb hai. Wo bol nahi sakta par meri har baat samajhta hai. Hum 10 din ke liye ja rhe hain, par use kiske pas chhodun? Maine aas-pas sabse pucha, doston se, rishtedaron se... par koi bhi use rakhne ke liye taiyar nahi hai. Sabke paas apne bahane hain. Mujhe bahut rona aa rha hai aur darr lag rha hai ki mere piche uska kya hoga? Kya koi itna bhi hamdard nahi ki ek bezubaan ki madad kar sake? Ek taraf Puri jane ki khushi hai aur dusri taraf apne is masoom dost ko khone ka darr. Man bilkul thik nahi lag rha."

  Paisa kamao aur tana suno Date: 16 January 2020 Time: 11:45 PM (Raat) "Abhi sab so gaye hain par mujhe neend nhi aa rhi. Aaj phir wahi bat hui. Sabke samne mujhe nicha dikhaya gaya meri padhai ko lekar. Wo kehte hain ki paisa kama kar dikhao tab manenge. Main koshish kar rhi hun ki khud se kuch karu, bina kisi ki mad aat ke. Ek din itna kama ungi ki pati ko surprise dungi. Main apni beti ko bahut padha ungi, use mere jaisa nhi banne dungi. Uska har sapna pura karungi jo mera adhura reh gaya. Kabhi lagta hai ki mere hone na hone se kisi ko fark nhi padega... par bas us masoom beti ke liye ruk jati hun." Post

  Shuruat (January ka Pehla Hafta) Date: 03 January 2020 Time: 12:15 PM (Dopahar) "Aaj bahut himat kar ke ye pehla note likh rhi hun. Mujhe technology ka kuch nhi pta, hamesha bhai ya devar se puchti thi par ab khud koshish kar rhi hun khud ke liye. Dil bahut bhara hua hai. Roz wahi hota hai, wo dukan se aate hain aur ate hi chilana shuru. Pehle apni ma se milte hain aur ma baithkar shikayat karti hai meri. Kabhi pyar se nhi pucha ki kaisi ho ya khana khaya nhi. Bas unhe gusa karna ata hai mujh par. Bolte hain ki jhoot bol kar shadi kari, kitni padhi likhi ho tum. Maine 10th ki hai toh kya main insan nhi hun? Galti ho jaye toh maaf karna mujhe thik se likhna nhi ata ."

  Date: 03 January 2020 Time: 12:15 PM (Dopahar) Aaj bahut himat kar ke ye pehla note likh rhi hun. Mujhe technology ka kuch nhi pta, hamesha bhai ya devar se puchti thi par ab khud koshish kar rhi hun khud ke liye. Dil bahut bhara hua hai. Roz wahi hota hai, wo dukan se aate hain aur ate hi chilana shuru. Pehle apni ma se milte hain aur ma baithkar shikayat karti hai meri. Kabhi pyar se nhi pucha ki kaisi ho ya khana khaya nhi. Bas unhe gusa karna ata hai mujh par. Bolte hain ki jhoot bol kar shadi kari, kitni padhi likhi ho tum. Maine 10th ki hai toh kya main insan nhi hun? Galti ho jaye toh maaf karna mujhe thik se likhna nhi ata."