#🌠Khwab udano ki🌠#

 Date:-29 May 2020 Time:- 02:15 PM Wo Khaufnaak Raat "Gas leak ho rahi thi aur mujhe pata tha pr maine kisi ko nhi bataya. Maine socha aaj lunch banate waqt blast ho jaye to acha hai, sab jhanjhat hi khatm ho jata. Main aur mere pet me jo nanhi jaan pal rahi hai wo is roz ke kalesh se bach jate. Pr kismat dekhiye jab kitchen gayi to gas apne aap thik ho gayi thi. Baba ne shayad bacha liya. Log puchte hai physically torture kiya kya? Unhe kya pata jo dimaag pr chot lagti hai wo marte dam tak nhi bharti."

  Date:-21 May 2020 Time:- 08:45 PM Beti ki Padhai "Sab ghar pr hai to meri beti bhi hath se nikal rahi hai. Pehle wo mere pas baith kar padhti thi pr ab wo sunna hi band kar di hai. Main awaz dete dete thak jati hu pr wo kabhi idhar bhagti hai kabhi udhar. Ek taraf kitchen ka bojh aur upar se bacche ki padhai ki tension, mera dimaag phatne lagta hai. Koi sath dene wala nhi hai sab apna apna dekhte hai."

 Date:- 13 May 2020 Time:-11:30 AM Kitchen ki Thakan "Kitchen me roz naya experiment hota hai, kabhi pati kuch banate hai kabhi devar ji. Mujhe chote devar ke besan ke laddu bahut pasand hai pr unke is shauk ke piche meri thakan kisi ko nhi dikhti. Sab maze se khate hai pr mujhe 1 minute rest karne ka time nhi milta. Subah se kab raat ho jati hai pata hi nhi chalta. Sabke liye ye chutti hai pr mere liye bina break wala kaam."

Date: -05 May 2020 Time:-12:45 PM Rishton ki Doori "Mujhe laga tha lockdown me sab sath honge to khushi hogi pr yahan to dooriya aur badh gayi. Ghar me sab hai pr koi kisi se baat nhi karta, bas TV pr crime chalta rehta hai. Jab main room me bulati hu ki kuch baat kare to gussa milta hai. Sabse jyada dard tab hota hai jab wo bolte hai 'Tum karti kya ho?'. Poore din ki mehnat ek pal me mitti kar dete hai. Mansik dard sharir ki maar se bada hota hai pr ye koi nhi samajhta."