#🌠Khwab udano ki🌠#

 Date :-28 /2020 Time:-5:30 PM "June ka mahina khatam hone ko tha, aur shehar se lockdown dhire-dhire khul chuka tha. Zindagi patari par lautne ki koshish kar rahi thi. Mere husband bhi ab subah jaldi apne kaam par nikal jate the. Usi beech ek subah, jab meri beti so kar uthi, maine use roz ki tarah pyar se god mein uthaya aur niche khada karne ki koshish ki. Par jo hua, usne mere hosh uda diye. Meri beti, jo 9 mahine ki umar se chalne aur bolne lagi thi, uske nanhe se pair thar-thar kaanpne lage. Wo khada hona chah rahi thi, par uske shareer ne saath chhod diya tha. Wo achanak zameen par baith gayi aur crawling (ghutno ke bal) karne lagi. Mera kaleja munh ko aa gaya. Maine baar-baar use sahara dekar khada kiya, par wo gusse mein chilla rahi thi aur uske pair kaanp kar gir jate the. Maine darr ke maare apni saasu maa ko bulaya, par wahan se madad ki jagah taana mila—'Tum toh time se injection lagwati ho, sab dhyan rakhti ho, phir ye jhooth kyun bol rahi ho?' Unhe laga main...

 Date:-12/2020 Time:-8:30 AM 5 June ko test karwane ke baad, poora ek hafta ajeeb si kashmakash mein bita. Ab shehar dhire-dhire khulne laga tha. Sarkar ne 'Unlock' ka elaan kiya toh market ki rounak wapas aane ki koshish kar rahi thi, par niyam bahut sakht the. Dukanein khulne ka waqt sirf dopahar 12:00 baje tak ka tha. Us waqt ghar ka mahaul bhi badal gaya tha. Mere pati (husband) ko bhi isi timing ke hisab se kaam par nikalna padta tha. Subah ki bhagam-bhag aur zyada badh gayi thi. 12 baje tak dukaan ka kaam nipatana, phir darr ke saath wapas aana—har taraf ek ajeeb si jaldbazi thi. Ghar mein ab ek naya darr baith gaya tha. Jab bhi husband bahar se aate, toh mann mein ek hi fikar rehti ki sab surakshit rahein. Har cheez ko sanitize karna, kapde badalna, bar-bar hath dhona—ye sab ab hamari zindagi ka hissa ban gaya tha." 💊 Report Ka Sach Aur Thyroid Ki Shuruat "Isi bhagam-bhag ke beech meri blood report ka din aaya. June ka wo hafta meri zindagi mein ek naya mod le...

 Date:- 6/2020 Time:-7:30 AM "July ka mahina shuru ho chuka tha. Ek taraf duniya darr mein thi, par dusri taraf mere ghar mein khushiyon ke mauke aa rahe the. Meri pregnancy ka 5th-6th mahina chal raha tha, shareer bhari tha aur Thyroid ki thakan bhi thi, par mera dil hamesha se sabko khush dekhna chahta tha. 3 July ko meri saasu maa ki anniversary thi. Halanki us din humne zyada kuch nahi kiya, par man mein unke liye samman wahi tha. Uske thik do din baad, 5 July ko mere pati ka birthday tha. Lockdown khul chuka tha par darr abhi bhi tha. Mere husband ne saaf mana kiya tha ki—'Tumhari tabiyat thik nahi rehti, itni garmi hai, kuch mat karna.' Par main kahan manne wali thi? Maine thaan liya tha ki unka birthday yaadgar banana hai. Maine ghar par hi Suji aur Maida ka cake banaya. Bina bazaar ki cream ke, ghar ki cheezon se use sajaya. Jab unhone wo cake dekha, toh wo hairan reh gaye! Wo gussa bhi huye ki maine itni mehnat kyun ki, par unki aankhon ki khushi sab bayan kar rah...

Date :-5 /2020 Time:-12:15 PM  June 2020 - Unlock Ki Shuruat Aur Bimari Ka Darr "June ka mahina shuru ho chuka tha. Duniya mein 'Unlock' ka shor tha, par mere mann mein bandishein badhti ja rahi thi. Garmi apne charam par thi aur shareer mein ek ajeeb si thakan rehne lagi thi. Jab tabiyat zyada bigdi, toh darrte-darrte hospital gayi. Wahan ka manzar dekh kar rooh kaanp gayi. Hospitals khule toh the, par doctors paas aane se katrate the. Wo safed PPE kit pehne huye aise lagte the jaise kisi dusri duniya se aaye hon. Door se hi sawal-jawab huye, door se hi parchi likhi gayi. Ek din mein gine-chune 20 mareez dekhte the wo bhi ek faasle se. Usi din blood test hua   Injection band ho gaye aur roz subah khali pet ki ek naye goli ne meri zindagi mein jagah bana li. Ek taraf ghar ki chakki, bacchon ki zimmedari, aur ab shareer mein .Lagta tha Baba aur kitni pariksha lenge?" ?"