#🌠Khwab udano ki🌠#

 Date:-28/2020 Time :-12:30 AM "August ke us chote se break ke baad, mujhe laga tha ki ab sab kuch sukoon se ho jayega. Par September ka mahina mere liye ek naya imtihan lekar aaya. Doctor ne mujhe September ki date di thi, aur main bas usi ka intezar kar rahi thi. Par din guzarte gaye aur 15 September bhi nikal gayi. Mere mann mein ek ajeeb si bechaini thi. Main baar-baar doctor ke paas jati, par wahan se koi thos jawab nahi milta tha. Doctor bas yahi kehte ki abhi waqt hai, par andar hi andar mujhe lag raha tha ki kuch toh ho raha hai jo thik nahi hai. 25 September aa gayi thi, aur meri halat aisi thi ki mujhse ab aur chala bhi nahi ja raha tha. Doctor ki Naraazgi aur Mera Dard: Jab main 25 tarikh ko phir se hospital gayi, toh doctor mujh par gussa ho gayi. Unhone kaha, 'Tumhe kisne bol diya ki 6 October ki date hai? Tumhara toh 15 September ka hi waqt tha, ab toh date se upar ho raha hai! Tum abhi tak admit kyun nahi hui?' Unka gussa dekh kar main darr gayi aur rone lag...

 Date 📅:-10/2020 Time:-1:30 AM "August ka ye mahina khatam hote-hote meri saari himmat jawab de rahi hai. Pregnancy ka 7th month ab 8th mein badalne wala hai, par mera sharir ab saath nahi de raha. Bahtna, uthna, sona... har ek pal mushkil ho gaya hai. Garmi itni zyada hai ki man karta hai bas roti rahoon. Kitchen ka kaam, ghar ki zimmedariyan aur ye bhari sharir... Thyroid ki thakan itni hai ki aankhein kholna bhi bojh lagta hai. Is haal mein na mujhse likha ja raha hai, na diary pakadi ja rahi hai. Isliye, main apni is pyaari diary ko kuch dinon ke liye yahan rok rahi hoon. Jab meri halat thodi sambhlegi, jab mujhse baitha jayega, tab main phir se likhna shuru karungi. Bas Baba Shyam se yahi prarthna hai ki ye mushkil waqt jaldi se nikal jaye. Ye intezar ab bardaasht se bahar hai. Jai Shree Shyam! Phir milenge jab thodi jaan wapas aayeg i."

 Date 📅:-4/2020 Time:- 4:52 PM Meri pyari diary aaj September ka pehla hafta khatam ho raha hai aur mera mann ghabrahat se bhara hai. Ek taraf 9th month ki wo bhari thakan aur dusri taraf doctor ka badalta hua rawaiya. Main usi doctor ke paas ja rahi hoon jinhone meri badi beti ki normal delivery karwai thi. Unhone tab mera itna saath diya tha ki mujhe un par aankh band karke bharosa tha. Par is baar... jaise sab kuch badal gaya hai. Har checkup mein wo bas ek hi rath lagaye rakhti hain—'Condition thodi mushkil hai, operation karna pad sakta hai.' Mujhe samajh nahi aa raha ki jo doctor pehle itni samajhdaar thi, wo ab achanak operation ke chakkar mein kyun padi hain? Kya ye hospital ka koi game hai ya meri saas ki baaton ka asar? Wo baar-baar mujhe admit hone ka dabav bana rahi hain jabki meri date 6 October ki hai. Is bhari garmi mein, jab chalna-phirna bhi mushkil hai, mujhe har dusre din hospital daudaya ja raha hai. Itne test, itni suiyan aur upar se ye darr ki kahin wo z...