#🌠Khwab udano ki🌠#

  Date: 28 March 2020 Time: 11:15 PM (Raat) March ka aakhiri din (Lockdown aur Darr) "March khatam hone wala hai par duniya badal gayi hai. Lockdown lag gaya hai aur sab ghar mein band ho gaye hain. Tyohar ki khushi piche reh gayi aur ab darr lag rha hai. Meri tabiyat bilkul thik nhi hai, injections ka dard toh hai hi par ab hospital jane mein bhi darr lagta hai. Doctor ne rest bola hai par ghar mein ab sab hain toh kam aur badh gaya hai. Pati dukan nhi ja rhe toh wo bhi pareshan hain aur kabhi kabhi gusa karte hain. Main bas apni beti ko dekhti hun aur apne pet mein pal rhe nanhe bacche ke liye dua karti hun. Pta nhi ye lockdown kab khulega. Injections aur Reports ko lekar bahut tension ho rhi hai. Khuda sab thik kare."

 Date:-🗓️ 22 March 2020 Time:-1:30 PM Heading: Modi ji ka Aadesh aur Humari Chhat "Aaj 22 March hai. Main apni beti aur apni Nand ke sath apni chhat par gayi thi. Un dono ne milkar zor-zor se thali bajayi. Chhat se nazara dekhne layak tha—kahin se ghante ki awaaz aa rahi thi, to kahin koi shankh baja raha tha. Maine apne pet par hath rakha... jahan meri dusri nanhi jaan pal rahi thi. Pata nahi tha ki bacha hoga ya bachi, bas Baba se yahi dua thi ki wo tandurust ho. Ek ajeeb sa darr tha ki ye shor corona ko bhagayega ya nhi, pr desh ke sath khade hokar thodi himmat mili. "

 Date: 10 March 2020 Time: 01:30 AM (Raat) "Pichle do din bahut thakawat bhare par bahut khushiyon wale rahe. 9 March ko meri beti ka janamdin bahut achhe se celebrate hua, hum sabne milkar cake kata aur use khub pyar diya. Aur aaj 10 March ko sabne milkar dhoom se Holi kheli. Maine bhi apni critical condition aur injections ke dard ke bawajood sabke sath milkar tyohar manaya. Pati bhi aaj bahut khush the. Bhale hi sharir mein jaan nhi bachi hai, par aaj ka din dekh kar lagta hai ki ye sab dard seh lungi."

 Date: 08 March 2020 Time: 12:15 PM (Raat) "Aaj Holi ka dahan tha, bahar sabne bahut dhoom-dham se manaya. Maine bhi sab kiya, par injections ki wajah se sharir tut rha hai. Kal meri pyari beti ka birthday hai (wo 3-9-2018 ko hui thi). Maine puri taiyari kar li hai, cake aur decor ka sab dekh liya hai. Man bahut khush hai apni bitiya ke liye, bas dua karti hun ki kal meri tabiyat sath de aur main use khush dekh saku."

  Date: 04 March 2020 Time: 02:30 Khushi aur Dard ek saath (Injections ki shuruat) "March shuru ho gaya hai aur ghar mein beti ke birthday ki taiyari chal rhi hai. Aaj ka din thoda achha tha, pati ne thoda pyar se bat ki aur beti ke sath khel rhe the. Ye dekh kar man ko bahut sukoon milta hai. Par dusri taraf meri tabiyat bahut bhari ho rhi hai. February ke last mein pregnancy confirm hui thi, aur ab 1 March se fir se injections ka silsila shuru ho gaya hai. Injections itne bhari hain ki lagne ke bad uthna-baithna mushkil ho jata hai. Dard bahut hai par is khushi ke liye sab seh rhi hun."

  04 March 2020 (Wednesday) | Time: Raat 01:30 AM "Aaj March ka pehla Budhwar hai. Pichhle hafte pata chala tha ki ' ghar ' toh hai par baccha nahi dikha. Aaj phir injection laga. Dard se zyada mann mein sawal hain—kya mera baccha sahi-salamat is duniya mein aayega? Injections ki wajah se sujan badhti ja rahi hai, saans lene mein bhi bhari-pan lagta hai. Pati ko lagta hai main ' natak ' kar rahi hoon. Unka kehna hai ki jab tak baccha poori tarah dikh na jaye, tab tak aaram ki kya zaroorat hai? Meri 2.5 saal ki beti mere paas baithi mujhe dekhti rehti hai... shayad wahi mera dard samajhti hai. 2020 ka ye saal mere liye maut ka saal banta ja raha hai. Bas Baba Shyam se yahi vinti hai ki is ' ghar ' ko khali mat rehne dena, nanhi jaan ko bacha lena."