#🌠Khwab udano ki🌠#

 April ka Aakhiri Din aur Mera Imtehaan Date: 29 April 2020 (Wednesday) "April ka mahina khatam ho raha hai, par meri takleef nahi. Aaj phir wahi injection, wahi dard aur wahi khamoshi. Lockdown ne sabko ghar par band kar diya hai, par mere liye toh ye jail jaisa ho gaya hai. Sab ghar par hain, isliye khane-peene ki farmaishein dugni ho gayi hain. Meri beti mere pas aakar baithti hai, shayad wo meri aankhon ka dard samajh jati hai. Maine use aaj thoda padhaya, par meri himmat jawab de rahi thi. Ghar ke mard (mere pati) ko lagta hai ki unka kaam sirf bahar se saaman lana hai, ghar ke andar ki is bimar aurat ki madad karna unki shaan ke khilaf hai. Main thak chuki hoon Kanha... bas itni shakti dena ki main apne baccho ke liye khadi reh saku. "

 Toot-ta Sharir aur Pathar Dil Log Date: 22 April 2020 (Wednesday) "Aaj mahine ka teesra Budhwar (Wednesday) hai. Har baar lagta hai ki is baar dard kam hoga, par har sui pehle se zyada chubhti hai. Injection lagwane ke baad aisa lagta hai jaise ragon mein thanda zeher daal diya gaya ho, poora pair sunn ho jata hai. Hospital se aakar jab main thodi der letna chahti hoon, toh rasoi se bartano ki awaaz aane lagti hai—ye is baat ka ishara hota hai ki 'uth jao, kaam pada hai'. Meri saas ko meri halat dikhti hai, par unhe bas apne bete aur ghar ki chinta hai. Main bimar hoon, pregnant hoon, par mere liye aaram ek sapna hai. Main bas apne pet par hath rakh kar apne nan hay bacche se kehti hoon—'Beta, tu thik rehna, teri maa sab seh legi'. "

  Be-basi aur Ek Maa ka Hausla Date: 15 April 2020 (Wednesday) "Aaj phir Budhwar hai. Sharir mein bilkul jaan nahi thi, par phir bhi khadi hui aur kitchen ka sara kaam khatam kiya taaki mere piche se kisi ko takleef na ho. Par mere dard ka kya? Injection lagwane ke baad jab main thak kar let-ti hoon, toh taane milte hain ki 'Beti ko nahi padhaya' ya 'Ye kaam reh gaya'. Main apne nanhe bacche ke liye ye sab seh rahi hoon. Use duniya mein lane ke liye main har hafte maut ko chhu kar wapas aati hoon. Mere pati aur saas ko lagta hai ye sab toh normal hai. Par meri beti ki aankhon mein jab main dekhti hoon, toh lagta hai bas wahi meri takleef samajh rahi hai. Kanha, bas ye waqt nikal jaye. "

 Budhwar ki Daud aur Wo Dard-e-Dil Date: 08 April 2020 (Wednesday) "Aaj Budhwar hai, mere liye sabse bhari din. Subah 6 se hi machine ki tarah lag gayi hoon. Sabka nashta, dopahar ka khana, safai—sab kuch jaldi-jaldi khatam karna padta hai. Kyun? Kyunki mujhe pata hai ki injection lagne ke baad mera sharir sath nahi dega. Main itni bejaan ho jaungi ki shayad pani ka glass bhi na utha paun. Apne pet mein pal rahe bacche ki growth ke liye ye injection har hafte zaroori hai. Jab hospital jati hoon, toh pair kaanpte hain. Wo sui jab lagti hai, toh dard se aankhon mein andhera chha jata hai. Par ghar aakar rone ka waqt bhi nahi hai, kyunki farmaishein phir shuru ho jati hain. Koi nahi samajhta ki har Budhwar main kitna andar se toot-ti hoon."

  Date:- 🗓️ 05 April 2020 Time:- 1:30 AM Heading: Shankh, Ghante aur Diye ki Roshni Aaj mujhe nind nahin a rahi hai kyunki Aaj bahut kuchh hua...😭😭😭😭😭  "Aaj raat ke 9 bajte hi poora mohalla roshni se jagmaga utha. Meri beti aur Nand ne chhat par diye jalaye. Chhat se abhi bhi shankh aur ghante ki awaaz ein aa rahi thin. Main bas Baba se dua mang rahi thi ki mere pet me jo nanha sa jeev pal raha hai, use is bimari se bachaye rakhna. Bahar roshni thi pr andar ek maa ka dil ghabra raha tha ki aane wala kal kaisa hoga. " "Usi raat jab duniya diye jala rahi thi, meri beti ki tabiyat itni bigad gayi ki bacha nidhaal ho gaya. Bukhar, loose motion aur ultiyan ruk hi nahi rahi thi. Na koi doctor aas-paas tha, na koi vaidya. Lockdown ki wajah se main ja nahi sakti thi, toh meri Saasu maa aur mere husband use lekar hospital gaye. Jab wo wapas aayi, toh uske nanhe se hath par patti (bandage) bandhi thi. Doctor ne sui (injection) lagayi thi kyunki dawai toh wo kha hi nahi rahi ...