9 Baje 9 Minute ka Nazara

  Date:- 🗓️ 05 April 2020

Time:- 1:30 AM

Heading: Shankh, Ghante aur Diye ki Roshni

Aaj mujhe nind nahin a rahi hai kyunki Aaj bahut kuchh hua...😭😭😭😭😭

 "Aaj raat ke 9 bajte hi poora mohalla roshni se jagmaga utha. Meri beti aur Nand ne chhat par diye jalaye. Chhat se abhi bhi shankh aur ghante ki awaaz ein aa rahi thin. Main bas Baba se dua mang rahi thi ki mere pet me jo nanha sa jeev pal raha hai, use is bimari se bachaye rakhna. Bahar roshni thi pr andar ek maa ka dil ghabra raha tha ki aane wala kal kaisa hoga.

"

"Usi raat jab duniya diye jala rahi thi, meri beti ki tabiyat itni bigad gayi ki bacha nidhaal ho gaya. Bukhar, loose motion aur ultiyan ruk hi nahi rahi thi. Na koi doctor aas-paas tha, na koi vaidya. Lockdown ki wajah se main ja nahi sakti thi, toh meri Saasu maa aur mere husband use lekar hospital gaye.

Jab wo wapas aayi, toh uske nanhe se hath par patti (bandage) bandhi thi. Doctor ne sui (injection) lagayi thi kyunki dawai toh wo kha hi nahi rahi thi. Wo choti si chanchal jaan ekdum shant ho gayi thi. Uske hath par wo bandage dekh kar mera dil chhalni ho gaya. Uske baad 3-4 din tak subah-sham use wahi dardnaak suiyan lagti rahi.

Maine us din Baba se rote huye kaha tha—'Baba, mere bacche ko aisi taklif dobara mat dena. Jo bhi dukh dena ho mujhe de dena, par mere bacche ko hamesha tandurust rakhna.' 😭😭😭

Usi dukh aur bhagam-bhag mein maine dhokla banane ki koshish ki thi, par dimaag kahan thik tha? Garmi aur chinta mein batter kharab ho gaya, badbu aane lagi. Phir kya tha... bacha bimar tha, mera dil ro raha tha, par mujhe dhokle ke liye itni baatein sunni padi jaise maine koi bahut bada paap kar diya ho. Us din samajh aaya ki ghar mein ek aurat ki mehnat ki koi keemat nahi hoti, bas ek galti mil jaye toh sab bhool jate hai

n."

Comments

Post a Comment

Popular Posts

Khwab Udaano Ki – Dard Se Jeet Tak Ka Safar

Image
Aaj main apne dil ka wo panna khol rahi hoon jo maine ab tak chhupa kar rakha tha. Maine apni zindagi mein wo din dekhe hain jab apno ki berukhi aur halaton ne mujhe bilkul tod diya tha. Ek waqt tha jab mujhe lagta tha ki ab sab khatam ho gaya... Lekin wahi mere liye ek nayi shuruat thi. Jab duniya ne sath chhoda, tab mere ' Baba Shyam ' ne mera hath thama. Unhone mujhe sikhaya ki marna aa saan hai, par muskurakar jeena asli jeet hai. Main un sab mahilao se bas 3 baatein kehna chahti hoon: 1.Rona Band Karein : Jo chala gaya wo aapke layak nahi tha. Ab khud se pyar karna seekhe in. Jab ' Haare ka Sahara ' hamare sath hai, toh hum kamzor nahi hain. 2.Apni Pehchan Banayein: Log hamesha bolenge, unki baaton ko apni kamyabi ki seedhi banayein. Hum kisi ke rishte se nahi, apne hunar se pehchani jayengi. 3Choti Shuruat Karein: Aap mein jo bhi hunar hai—chahe cooking ho ya silai—use apni takat banayein. Jab aap khud ke liye khadi hoti hain, toh raste apne aap milte hain. Mera ...
.

Day 67: Meri Khamoshi ka Gunaah aur 10 Saal ka Hisaab

Image
  🙏🙏 Jai Shri Shyam aur Radhe Radhe!🙏🙏 Aaj Day 67 hai. Aaj main wo parda uthane ja rahi hoon jo pichhle 5-6 saalon se meri zindagi par pada tha. Log mujh par shaq karte the, puchte the—' Ye phone mein kyun ghusi rehti hai? Password kyun hai?' Aaj un sab sawalon ka jawab dene ka waqt aa gaya hai. 10 Saal ka Intezar aur Ek-Ek Mauka: Meri shaadi ko 10 saal ho gaye. In 10 saalon mein maine kitne mauke diye, ye sirf mera ' Baba shyam aur laddu Gopal  janta hai. Har baar mera pati bolta tha—' Mujhe ek mauka do, main sab theek kar dunga .' Par wo insaan kabhi nahi badla. Jab shaadi ke baad bhi saara kharch ladki ke maa-baap ko hi uthana pade, toh aisi shaadi ka kya matlab? Jab main apne maa-baap ke ghar gayi, toh mujhe ' Bhagoda ' sabit kar diya gaya. Khane , peen ne, pehnne ... har cheez ke liye taane diye gaye. Kahin ghumne bhi gaye, toh ek-ek rupaye ka hisaab ginwaya gaya. Kya yahi insaaf hai? Kyun banayi maine 'Digi...
.

Day 37: Sapno ki Udaan aur Baba ka Saath

Image
 🙏🙏 Jai shree shyam 🙏🙏 Doston , Aaj ka din mere liye ek naya janm lene jaisa hai. Aaj jab main subah uthi aur apne Laddu Gopal ki seva karne baithi, toh mann mein ek ajeeb si shanti thi. Roz ki tarah aaj bhi maine unse laad ladaaya , unhe taiyar kiya, par aaj kuch alag tha. Jab maine unhe unki pyari bansuri pakda yi, toh unhone ek hi baar mein usey thamm liya. Mere liye ye sirf ek pal nahi tha, ye mere Sanvariya Seth ka ek bada sanket tha ki " Ab darr mat , tera hath maine pakad liya hai." Aksar hum ladkiyan zimmedariyon ke beech apne sapne kahin dabba deti hain. Log kehte hain ki bina kisi bade sahare ya badi degree ke kuch nahi ho sakta. Lekin aaj main un sab baaton ko piche chhod kar aage badh rahi hoon. Maine ye tay kiya hai ki main apne hausle aur apni mehnat se ek naya itihas likhungi . Mera vishwas hai ki agar niyat saaf ho aur mehnat sacchi ho, toh upar wala khud rasta banata hai. Mera Ek Maha-Sankalp hai... Mera maqsad sirf paisa k...
.