#🌠Khwab udano ki🌠#

Date:-30/2020 Time:-1:02 PM "July ka mahina khatam hone ko hai, par dukh kam nahi ho rahe. Poora shehar abhi bhi lockdown ki wajah se thama hua hai. Agle mahine Rakshabandhan hai aur mere mann mein bas yahi chinta hai ki is baar bhaiyon ki kalai sooni na reh jaye. Bhai log phone par intezar kar rahe hain, poochte hain ki 'Rakhi kab bhejogi?', par main yahan majboor hoon. Na bahar ja sakti hoon, na koi dhang ka courier mil raha hai. Akhir maine darrte-darrte mummy-papa se baat ki. Maine mummy se kaha—'Mummy, lockdown ki wajah se main nahi aa paungi aur Rakhi bhejna bhi mushkil hai. Aap hi bhaiya ke liye aur badi mummy-papa ke beton ke liye Rakhi le aao aur unhe bandh do. Jo bhi paisa lagega, main yahan se bhej dungi.' Mera dil ro raha tha ki main apne hathon se unhe Rakhi nahi baandh paungi, par sukoon is baat ka tha ki kam se kam unki kalai sooni nahi rahegi. Baad mein badi mummy ne bataya ki us din kisi aur ki Rakhi pahunchi ho ya na ho, par sabse pehle meri bhejw...

 Date:-20/2020 Time:- 1:30 PM "July ka ye hafta bahut bhari hai. Baarish ho nahi rahi aur garmi itni hai ki sharir bilkul saath nahi de raha. Pregnancy ka ye 6th mahina aur Thyroid ki thakan... kabhi-kabhi toh uthna bhi mushkil lagta hai. Meri beti, jo abhi mushkil se dhai saal ki hone ko hai, wo poore din mere aas-paas ghoomti rehti hai. Wo itni nanhi hai ki use kya pata ki uski maa ki tabiyat kaisi hai. Wo kabhi khelne ke liye zid karti hai, toh kabhi kuch poochti hai. Mera mann hota hai ki main use acche se baith kar kuch naya sikhau, uske saath khelun, par ye garmi aur sir ka dard... mujhse kuch nahi ho pata. Jab main thakan ki wajah se use thik se sambhal nahi pati ya thodi der ke liye let jati hoon, toh ghar mein sabke tevar badal jate hain. Sabko lagta hai main susti kar rahi hoon, par unhe kya pata ki is garmi mein kitchen ka kaam aur upar se ye bhari sharir... main kaise sambhal rahi hoon. Kisi ko meri takleef dikhayi nahi deti, bas meri galtiyan ginte rehte hain. Ye baat...