December se ruki saansein... Khushi hai ya koi nayi museebat?

  10 February 2020 (Wednesday) | Time: Raat 01:45 AM

Raat ke kareeb do baj rahe hain. Mann bahut ghabraya hua hai isliye YouTube par seekh-seekh kar ye diary likhna shuru kiya hai. Aaj main doctor ke paas gayi thi. December se mere periods ruke huye hain, par ghar par jitni baar bhi check kiya, report negative hi aayi.

Doctor ko sab bataya toh unhone bhi chinta jatayi. Unhone kaha ki kabhi-kabhi pregnancy kit mein nahi aati, par sharir ki ye sujan aur thakan kuch aur hi ishara kar rahi hai. Unhone thyroid ka test aur blood test likha hai. Mujhe wahi purana darr sata raha hai... pehli beti (jo abhi 2.5 saal ki hai) uske waqt bhi thyroid ne mera bura haal kar diya tha. Kya is baar bhi wahi maut jaisa dard jhelna padega?

Pati ko paison ki chinta hai aur in-laws ko lagta hai main 'aaram' ke liye bahana kar rahi hoon. Baba Shyam, bas report achhi aaye... mujh mein ab ladne ki himmat nahi hai."


Comments

Post a Comment

Popular Posts

Khwab Udaano Ki – Dard Se Jeet Tak Ka Safar

Image
Aaj main apne dil ka wo panna khol rahi hoon jo maine ab tak chhupa kar rakha tha. Maine apni zindagi mein wo din dekhe hain jab apno ki berukhi aur halaton ne mujhe bilkul tod diya tha. Ek waqt tha jab mujhe lagta tha ki ab sab khatam ho gaya... Lekin wahi mere liye ek nayi shuruat thi. Jab duniya ne sath chhoda, tab mere ' Baba Shyam ' ne mera hath thama. Unhone mujhe sikhaya ki marna aa saan hai, par muskurakar jeena asli jeet hai. Main un sab mahilao se bas 3 baatein kehna chahti hoon: 1.Rona Band Karein : Jo chala gaya wo aapke layak nahi tha. Ab khud se pyar karna seekhe in. Jab ' Haare ka Sahara ' hamare sath hai, toh hum kamzor nahi hain. 2.Apni Pehchan Banayein: Log hamesha bolenge, unki baaton ko apni kamyabi ki seedhi banayein. Hum kisi ke rishte se nahi, apne hunar se pehchani jayengi. 3Choti Shuruat Karein: Aap mein jo bhi hunar hai—chahe cooking ho ya silai—use apni takat banayein. Jab aap khud ke liye khadi hoti hain, toh raste apne aap milte hain. Mera ...
.

Day 67: Meri Khamoshi ka Gunaah aur 10 Saal ka Hisaab

Image
  🙏🙏 Jai Shri Shyam aur Radhe Radhe!🙏🙏 Aaj Day 67 hai. Aaj main wo parda uthane ja rahi hoon jo pichhle 5-6 saalon se meri zindagi par pada tha. Log mujh par shaq karte the, puchte the—' Ye phone mein kyun ghusi rehti hai? Password kyun hai?' Aaj un sab sawalon ka jawab dene ka waqt aa gaya hai. 10 Saal ka Intezar aur Ek-Ek Mauka: Meri shaadi ko 10 saal ho gaye. In 10 saalon mein maine kitne mauke diye, ye sirf mera ' Baba shyam aur laddu Gopal  janta hai. Har baar mera pati bolta tha—' Mujhe ek mauka do, main sab theek kar dunga .' Par wo insaan kabhi nahi badla. Jab shaadi ke baad bhi saara kharch ladki ke maa-baap ko hi uthana pade, toh aisi shaadi ka kya matlab? Jab main apne maa-baap ke ghar gayi, toh mujhe ' Bhagoda ' sabit kar diya gaya. Khane , peen ne, pehnne ... har cheez ke liye taane diye gaye. Kahin ghumne bhi gaye, toh ek-ek rupaye ka hisaab ginwaya gaya. Kya yahi insaaf hai? Kyun banayi maine 'Digi...
.

Day 37: Sapno ki Udaan aur Baba ka Saath

Image
 🙏🙏 Jai shree shyam 🙏🙏 Doston , Aaj ka din mere liye ek naya janm lene jaisa hai. Aaj jab main subah uthi aur apne Laddu Gopal ki seva karne baithi, toh mann mein ek ajeeb si shanti thi. Roz ki tarah aaj bhi maine unse laad ladaaya , unhe taiyar kiya, par aaj kuch alag tha. Jab maine unhe unki pyari bansuri pakda yi, toh unhone ek hi baar mein usey thamm liya. Mere liye ye sirf ek pal nahi tha, ye mere Sanvariya Seth ka ek bada sanket tha ki " Ab darr mat , tera hath maine pakad liya hai." Aksar hum ladkiyan zimmedariyon ke beech apne sapne kahin dabba deti hain. Log kehte hain ki bina kisi bade sahare ya badi degree ke kuch nahi ho sakta. Lekin aaj main un sab baaton ko piche chhod kar aage badh rahi hoon. Maine ye tay kiya hai ki main apne hausle aur apni mehnat se ek naya itihas likhungi . Mera vishwas hai ki agar niyat saaf ho aur mehnat sacchi ho, toh upar wala khud rasta banata hai. Mera Ek Maha-Sankalp hai... Mera maqsad sirf paisa k...
.