August 2020: Rakhi ki Dooriyaan aur Wo Chhat wala Khauf

 Date:-8/2020

Time:-7:30 PM

August ka mahina shuru ho gaya hai. Pregnancy ka 7th month chal raha hai aur garmi ne bura haal kar rakha hai. 3 August ko Rakshabandhan tha, par is baar na main maike ja payi na bhaiya log aa paye. Lockdown aur meri halat dono hi rukawat ban gaye the.

Mummy-papa se phone par baat hui toh dil bhar aaya. Maine mummy ko bola ki—'Mummy, aap hi bhaiya ke liye aur badi mummy ke beton ke liye Rakhi le aao aur bandh do, main paise bhej dungi.' Sunkar sukoon mila ki meri bheji hui Rakhi sabse pehle bandhi gayi. Ek behen bhale hi door ho, par uska mann hamesha bhaiyon ki kalai par hi rehta hai.

Par khushi ke do din baad hi, 5 August ko jo hua usne meri rooh kanpa di. Poore desh mein Ram Mandir ke bhoomi pujan ki khushi mein diye jalaye ja rahe the. Modi ji ki appeal par hum sab bhi evening ke bad ke baad Chhat par gaye the. Maine khushi-khushi diye jalaye aur baki sab ke saath neeche utar aayi.

Main kitchen mein gayi toh achanak sannata mehsoos hua. Maine poocha—'Babu kahan hai?' Sab kehne lage—'Wo toh tumhare saath thi.' Meri dhai saal ki beti kahin nazar nahi aa rahi thi. Poore ghar mein dhundha, chachi saas ke ghar mein dekha, wo kahin nahi thi. Mere pairon tale zameen nikal gayi. Ek pal ke liye laga jaise saansein ruk gayi hain.

Tabhi mujhe kitchen mein khade-khade upar se awaaz aayi—'Mamma... Mamma...' Main bhagi-bhagi bahar gayi aur chachi saas ko bulaya. Dekha toh beti chachi SAS ki taraf Sidhi per baithi hui thi par akeli lock ho gayi thi! Chachi saas ko laga wo neeche aa gayi hai aur unhone bahar se gate band kar diya tha. Wo nanhi si jaan akeli darr ke maare chilla rahi thi. Maine use kaleje se lagaya, use mara bhi aur bahut pyar bhi kiya.

In dino main apne pet mein pal rahe 7 mahine ke bacche se bhi baatein karti hoon. Baba Shyam se bas yahi maangti hoon ki meri jaisi kismat kisi maa ya ladki ko na mile, jahan har khushi ke peeche ek naya darr khada rehta hai."

Comments

Post a Comment

Popular Posts

Khwab Udaano Ki – Dard Se Jeet Tak Ka Safar

Image
Aaj main apne dil ka wo panna khol rahi hoon jo maine ab tak chhupa kar rakha tha. Maine apni zindagi mein wo din dekhe hain jab apno ki berukhi aur halaton ne mujhe bilkul tod diya tha. Ek waqt tha jab mujhe lagta tha ki ab sab khatam ho gaya... Lekin wahi mere liye ek nayi shuruat thi. Jab duniya ne sath chhoda, tab mere ' Baba Shyam ' ne mera hath thama. Unhone mujhe sikhaya ki marna aa saan hai, par muskurakar jeena asli jeet hai. Main un sab mahilao se bas 3 baatein kehna chahti hoon: 1.Rona Band Karein : Jo chala gaya wo aapke layak nahi tha. Ab khud se pyar karna seekhe in. Jab ' Haare ka Sahara ' hamare sath hai, toh hum kamzor nahi hain. 2.Apni Pehchan Banayein: Log hamesha bolenge, unki baaton ko apni kamyabi ki seedhi banayein. Hum kisi ke rishte se nahi, apne hunar se pehchani jayengi. 3Choti Shuruat Karein: Aap mein jo bhi hunar hai—chahe cooking ho ya silai—use apni takat banayein. Jab aap khud ke liye khadi hoti hain, toh raste apne aap milte hain. Mera ...
.

Day 67: Meri Khamoshi ka Gunaah aur 10 Saal ka Hisaab

Image
  🙏🙏 Jai Shri Shyam aur Radhe Radhe!🙏🙏 Aaj Day 67 hai. Aaj main wo parda uthane ja rahi hoon jo pichhle 5-6 saalon se meri zindagi par pada tha. Log mujh par shaq karte the, puchte the—' Ye phone mein kyun ghusi rehti hai? Password kyun hai?' Aaj un sab sawalon ka jawab dene ka waqt aa gaya hai. 10 Saal ka Intezar aur Ek-Ek Mauka: Meri shaadi ko 10 saal ho gaye. In 10 saalon mein maine kitne mauke diye, ye sirf mera ' Baba shyam aur laddu Gopal  janta hai. Har baar mera pati bolta tha—' Mujhe ek mauka do, main sab theek kar dunga .' Par wo insaan kabhi nahi badla. Jab shaadi ke baad bhi saara kharch ladki ke maa-baap ko hi uthana pade, toh aisi shaadi ka kya matlab? Jab main apne maa-baap ke ghar gayi, toh mujhe ' Bhagoda ' sabit kar diya gaya. Khane , peen ne, pehnne ... har cheez ke liye taane diye gaye. Kahin ghumne bhi gaye, toh ek-ek rupaye ka hisaab ginwaya gaya. Kya yahi insaaf hai? Kyun banayi maine 'Digi...
.

Day 37: Sapno ki Udaan aur Baba ka Saath

Image
 🙏🙏 Jai shree shyam 🙏🙏 Doston , Aaj ka din mere liye ek naya janm lene jaisa hai. Aaj jab main subah uthi aur apne Laddu Gopal ki seva karne baithi, toh mann mein ek ajeeb si shanti thi. Roz ki tarah aaj bhi maine unse laad ladaaya , unhe taiyar kiya, par aaj kuch alag tha. Jab maine unhe unki pyari bansuri pakda yi, toh unhone ek hi baar mein usey thamm liya. Mere liye ye sirf ek pal nahi tha, ye mere Sanvariya Seth ka ek bada sanket tha ki " Ab darr mat , tera hath maine pakad liya hai." Aksar hum ladkiyan zimmedariyon ke beech apne sapne kahin dabba deti hain. Log kehte hain ki bina kisi bade sahare ya badi degree ke kuch nahi ho sakta. Lekin aaj main un sab baaton ko piche chhod kar aage badh rahi hoon. Maine ye tay kiya hai ki main apne hausle aur apni mehnat se ek naya itihas likhungi . Mera vishwas hai ki agar niyat saaf ho aur mehnat sacchi ho, toh upar wala khud rasta banata hai. Mera Ek Maha-Sankalp hai... Mera maqsad sirf paisa k...
.