🏥 October 2020: 48 Sidhiyaan aur Wo Bhooke Din

Date:-3/2020

Time:-12:41 AM

 "Log puchte hain ki normal delivery ke liye kya kaam kiya? Maine jo kiya, wo shayad koi soch bhi nahi sakta. Subah 5 baje se uthkar ghar ki zimmedariyan shuru ho jati thin. 9 mahine ki pregnancy, bhari sharir, aur upar se niche tak ki wo 48 sidhiyaan (12 steps ke 4 round). Roz un par jhadu-pocha karna, sabke kapde dhona aur unhe arrange karke rakhna—kya ise kaam nahi kehte?

Farmaishein aur Khamosh Bhook:

Ghar mein sabke liye unki farmaish ka khana banana meri responsibility thi. Par jab mujhe bhook lagti thi, toh main chup-chap pani pikar apni bhook ko control kar leti thi. Kyun? Kyunki ek dana khane par bhi 10 baatein sunni padti thin—'ye toh kaju kishmish khati hai, ye juice piti hai, ye phal khati hai.' Bahar se sabko chamak-dhamak dikhti thi, par andar hi andar main kaise apne bacche ko paal rahi thi, wo sirf main aur mera Baba Shyam jaante hain.

Pati ka Drama aur Mera Akelapan:

In sabke beech, pati ka alag hi drama chalta tha. Unka ye kehna ki 'shaadi karke phas gaya', mere dil ko chhalni kar deta tha. Ek taraf sharir ka dard, dusri taraf bhook, aur teesri taraf ye mansik tana-baazi. Main janti hoon ki maine kis situation mein apne bacchon ko paida kiya hai. Maine unhe sirf janam nahi diya, maine unhe apne sabr aur aansuon se paala hai.

Duniya ko lagta hai ki main bahut aaram se hoon, par mera har ek din ek nayi jung tha. Meri ye 'Digital Property' aaj un sab baaton ki gawah hai jo maine kabhi kisi se nahi ka

hin."