🏥 October 2020: Jab Meri 'Udaan' Mushkilon Se Ghiri Thi

 Date 📅:-1/2020

Time:-1:00 AM

"Hospital ke wo 3 din mere liye kisi imtihan se kam nahi the. Doctor mujh par gussa ho rahi thin ki main date nikalne ke baad bhi admit kyun nahi hui, par unhe kya pata tha ki ek aurat ke dil mein kya chalta hai. Hospital mein charon taraf COVID ka khauf tha aur main wahan akeli bechain thi.

Nurse ki Salah aur Operation ka Darr:

Wahan jo nurse thi, wo mujhe pehle se jaanti thin kyunki meri pehli delivery bhi unhone hi karwayi thi. Wo mujhse thodi hi badi thin, shayad 42-45 saal ki. Unhone mujhse saaf kaha, 'Dekho, abhi tumhara pet pura tight hai aur delivery mein waqt hai. Tum yahan se ghar jao. Agar yahan admit rahogi toh majbooran humein operation karna pad jayega. Jab asli dard (labor pain) shuru ho, tabhi turant aana, tab tak normal delivery ke chance rahenge.'

Operation ka naam sunte hi main darr gayi. Main nahi chahti thi ki mere bacche ki shuruat kisi surgery se ho. Isliye maine unki baat maani aur ghar jaane ka faisla kiya.

Homeopathic Dawa aur Pati ka Saath:

Ghar aakar maine internet par search kiya aur mujhe ek Homeopathic dawa ke bare mein pata chala jo delivery mein madad karti hai. Maine mummy se kaha ki mujhe wahi dawa chahiye. Phir kya tha, mere pati (pati dev) turant bahar gaye aur mummy ke saath milkar wo dawa mere liye lekar aaye.

Maine wo dawa leni shuru toh ki, par mere mann mein wahi purana darr—kahani zyada dawa mere baby ko nuksan na pahuncha de. Is dar se maine bich-bich mein dawa chhodi bhi, lekin usne apna kaam shuru kar diya tha. Dawa lete hi mera dard chalu ho gaya aur tab mujhe ehsaas hua ki ab waqt aa gaya hai. Main turant hospital bhagi, is baar is umeed ke saath ki Baba Shyam sab thik kar

enge."

Comments

Post a Comment

Popular Posts

Khwab Udaano Ki – Dard Se Jeet Tak Ka Safar

Image
Aaj main apne dil ka wo panna khol rahi hoon jo maine ab tak chhupa kar rakha tha. Maine apni zindagi mein wo din dekhe hain jab apno ki berukhi aur halaton ne mujhe bilkul tod diya tha. Ek waqt tha jab mujhe lagta tha ki ab sab khatam ho gaya... Lekin wahi mere liye ek nayi shuruat thi. Jab duniya ne sath chhoda, tab mere ' Baba Shyam ' ne mera hath thama. Unhone mujhe sikhaya ki marna aa saan hai, par muskurakar jeena asli jeet hai. Main un sab mahilao se bas 3 baatein kehna chahti hoon: 1.Rona Band Karein : Jo chala gaya wo aapke layak nahi tha. Ab khud se pyar karna seekhe in. Jab ' Haare ka Sahara ' hamare sath hai, toh hum kamzor nahi hain. 2.Apni Pehchan Banayein: Log hamesha bolenge, unki baaton ko apni kamyabi ki seedhi banayein. Hum kisi ke rishte se nahi, apne hunar se pehchani jayengi. 3Choti Shuruat Karein: Aap mein jo bhi hunar hai—chahe cooking ho ya silai—use apni takat banayein. Jab aap khud ke liye khadi hoti hain, toh raste apne aap milte hain. Mera ...
.

Day 67: Meri Khamoshi ka Gunaah aur 10 Saal ka Hisaab

Image
  🙏🙏 Jai Shri Shyam aur Radhe Radhe!🙏🙏 Aaj Day 67 hai. Aaj main wo parda uthane ja rahi hoon jo pichhle 5-6 saalon se meri zindagi par pada tha. Log mujh par shaq karte the, puchte the—' Ye phone mein kyun ghusi rehti hai? Password kyun hai?' Aaj un sab sawalon ka jawab dene ka waqt aa gaya hai. 10 Saal ka Intezar aur Ek-Ek Mauka: Meri shaadi ko 10 saal ho gaye. In 10 saalon mein maine kitne mauke diye, ye sirf mera ' Baba shyam aur laddu Gopal  janta hai. Har baar mera pati bolta tha—' Mujhe ek mauka do, main sab theek kar dunga .' Par wo insaan kabhi nahi badla. Jab shaadi ke baad bhi saara kharch ladki ke maa-baap ko hi uthana pade, toh aisi shaadi ka kya matlab? Jab main apne maa-baap ke ghar gayi, toh mujhe ' Bhagoda ' sabit kar diya gaya. Khane , peen ne, pehnne ... har cheez ke liye taane diye gaye. Kahin ghumne bhi gaye, toh ek-ek rupaye ka hisaab ginwaya gaya. Kya yahi insaaf hai? Kyun banayi maine 'Digi...
.

Day 37: Sapno ki Udaan aur Baba ka Saath

Image
 🙏🙏 Jai shree shyam 🙏🙏 Doston , Aaj ka din mere liye ek naya janm lene jaisa hai. Aaj jab main subah uthi aur apne Laddu Gopal ki seva karne baithi, toh mann mein ek ajeeb si shanti thi. Roz ki tarah aaj bhi maine unse laad ladaaya , unhe taiyar kiya, par aaj kuch alag tha. Jab maine unhe unki pyari bansuri pakda yi, toh unhone ek hi baar mein usey thamm liya. Mere liye ye sirf ek pal nahi tha, ye mere Sanvariya Seth ka ek bada sanket tha ki " Ab darr mat , tera hath maine pakad liya hai." Aksar hum ladkiyan zimmedariyon ke beech apne sapne kahin dabba deti hain. Log kehte hain ki bina kisi bade sahare ya badi degree ke kuch nahi ho sakta. Lekin aaj main un sab baaton ko piche chhod kar aage badh rahi hoon. Maine ye tay kiya hai ki main apne hausle aur apni mehnat se ek naya itihas likhungi . Mera vishwas hai ki agar niyat saaf ho aur mehnat sacchi ho, toh upar wala khud rasta banata hai. Mera Ek Maha-Sankalp hai... Mera maqsad sirf paisa k...
.