Day:20 Kaun the wo Brahman? Aur Baba ka AnokhaRasta

 


Kal ka sawal:- Wo Brahman kaun tha?


"Doston, kal maine aapko ek sawal par chhoda tha ki aakhir raste mein Barbareek ko milne wala wo Brahman kaun tha? Wo Brahman koi sadharan vyakti nahi, balki swayam Bhagwan Shri Krishna the. Unhone Barbareek ki pariksha lene ke liye unka rasta roka.

Krishna ne kaha:- 'Itne bade yuddh mein ja rahe ho aur paas mein sirf teen teer? Ye toh mazaak hai!' Barbareek ne muskurakar kaha - 'Brahman dev mere liye ye ek hi kaafi hai.' Tab Krishan ne unhe peepal ke ped ki chunauti di aur Barbareek ne apni shakti se har patte ko chhed diya. Krishna samajh gaye ki ye balak agar 'Haare huye' ke saath dega, toh pal bhar mein baazi palat jayegi

Meri zindagi ka sach: Madhyam aur Marg

Aaj jab main ye likh rahi hoon, toh mujhe apni zindagi Barbareek ki us pariksha jaisi lagti hai. Maine mehsoos kiya hai ki Baba Shyam ke ek tarika hai - Wo pehle Roji dete hain, phir Roti dete hain

Wo pehle humein is layak banate hain ki hamara pet bhare, hamari zaruratein poori hon. Aur jab hum thode saksham ho jate hain, tab wo humein apne 'madhyam' (medium) banate hain. Wo kabhi nahi kehte ki unka gungaan karo, lekin wo humein itna kuch de dete hain ki hamara dil khud-ba-khud unki mahima gaane se ruk hi nahi pata. Aaj main is mobile par baithkar jo likh rahi hoon, ye unhi ka banaya hua rasta hai.

Mera Vishwas aur meri privacy

Main aaj ek dharm-sankat mein hoon, dushwariyan bahut hain, rasta dhundhla hai. Lekin mere hausle sirf do cheezon par tike hain - mere Baba ka saath aur ek saccha shakhs jo mere saath khada hai. Main kahan se hoon, mera parivar kaun hai - ye batana abhi zaruri nahi hai. Zaruri ye hai ki mera kaam aur mera vishwas duniya ke har kone tak pahuche. Main chahti hoon ki meri ye kahani global ho, har bhasha mein padhi jaye. Isliye maine blog par translate button lagaya hai."

Aapka Shukriya

"Doston, sara din kaam me busy hone ke beech jab main ye likhti hoon, toh aapka saath mujhe himmat deta hai, meri is chhoti si duniya ka hissa banne ke liye Thank you!

Kal hum dekhenge ki Krishna ne Barbareek se kya maanga... ek aisi cheez jo koi soch bhi nahi sakta tha.

Jai Shree Shyam!

Aapki 'Khwab udano ki'"

Shayari:-

1) Baba ki mahima

"Kismat ke maare hain hum, par haarte nahi.

Kyunki mere Baba Shyam hain toh hum darte nahi.

Wo rasta bhi dikhate hain aur manzil bhi,

Bina unki marzi ke hum ek kadam bhi bha

rte nahi."

#Baba shyam #KhatuShyam #Mahabharat #Day 20 #KhwabUdanoKi #Shyam baba #Motivation




 🙏🙏 Jai shree shyam 🙏🙏

Mujhse Judein aur Support Karein:

Agar aapko mera ye sangharsh aur safar pasand aa raha hai, toh:

💬 Comment karke apni rai zaroor dein aur batayein ki aapko kaisa laga.

❤️ Is blog ko Like karein aur apne doston ke saath Share karein.

📩 Mujhse judne ke liye aap mujhe Twitter (X) par DM kar sakte hain.

🔔 Mere blog ko Follow zaroor karein taaki kal ka naya panna aap miss na karein.

👉 Day 19: Barbareek Se Baba Shyam Tak Ka Safar

https://khwabudanoki.blogspot.com/2026/02/day-19-blog-meri-nayi-pehchaan-aur.html?m=1

Comments

Post a Comment

Popular Posts

Khwab Udaano Ki – Dard Se Jeet Tak Ka Safar

Image
Aaj main apne dil ka wo panna khol rahi hoon jo maine ab tak chhupa kar rakha tha. Maine apni zindagi mein wo din dekhe hain jab apno ki berukhi aur halaton ne mujhe bilkul tod diya tha. Ek waqt tha jab mujhe lagta tha ki ab sab khatam ho gaya... Lekin wahi mere liye ek nayi shuruat thi. Jab duniya ne sath chhoda, tab mere ' Baba Shyam ' ne mera hath thama. Unhone mujhe sikhaya ki marna aa saan hai, par muskurakar jeena asli jeet hai. Main un sab mahilao se bas 3 baatein kehna chahti hoon: 1.Rona Band Karein : Jo chala gaya wo aapke layak nahi tha. Ab khud se pyar karna seekhe in. Jab ' Haare ka Sahara ' hamare sath hai, toh hum kamzor nahi hain. 2.Apni Pehchan Banayein: Log hamesha bolenge, unki baaton ko apni kamyabi ki seedhi banayein. Hum kisi ke rishte se nahi, apne hunar se pehchani jayengi. 3Choti Shuruat Karein: Aap mein jo bhi hunar hai—chahe cooking ho ya silai—use apni takat banayein. Jab aap khud ke liye khadi hoti hain, toh raste apne aap milte hain. Mera ...
.

Day 67: Meri Khamoshi ka Gunaah aur 10 Saal ka Hisaab

Image
  🙏🙏 Jai Shri Shyam aur Radhe Radhe!🙏🙏 Aaj Day 67 hai. Aaj main wo parda uthane ja rahi hoon jo pichhle 5-6 saalon se meri zindagi par pada tha. Log mujh par shaq karte the, puchte the—' Ye phone mein kyun ghusi rehti hai? Password kyun hai?' Aaj un sab sawalon ka jawab dene ka waqt aa gaya hai. 10 Saal ka Intezar aur Ek-Ek Mauka: Meri shaadi ko 10 saal ho gaye. In 10 saalon mein maine kitne mauke diye, ye sirf mera ' Baba shyam aur laddu Gopal  janta hai. Har baar mera pati bolta tha—' Mujhe ek mauka do, main sab theek kar dunga .' Par wo insaan kabhi nahi badla. Jab shaadi ke baad bhi saara kharch ladki ke maa-baap ko hi uthana pade, toh aisi shaadi ka kya matlab? Jab main apne maa-baap ke ghar gayi, toh mujhe ' Bhagoda ' sabit kar diya gaya. Khane , peen ne, pehnne ... har cheez ke liye taane diye gaye. Kahin ghumne bhi gaye, toh ek-ek rupaye ka hisaab ginwaya gaya. Kya yahi insaaf hai? Kyun banayi maine 'Digi...
.

Day 37: Sapno ki Udaan aur Baba ka Saath

Image
 🙏🙏 Jai shree shyam 🙏🙏 Doston , Aaj ka din mere liye ek naya janm lene jaisa hai. Aaj jab main subah uthi aur apne Laddu Gopal ki seva karne baithi, toh mann mein ek ajeeb si shanti thi. Roz ki tarah aaj bhi maine unse laad ladaaya , unhe taiyar kiya, par aaj kuch alag tha. Jab maine unhe unki pyari bansuri pakda yi, toh unhone ek hi baar mein usey thamm liya. Mere liye ye sirf ek pal nahi tha, ye mere Sanvariya Seth ka ek bada sanket tha ki " Ab darr mat , tera hath maine pakad liya hai." Aksar hum ladkiyan zimmedariyon ke beech apne sapne kahin dabba deti hain. Log kehte hain ki bina kisi bade sahare ya badi degree ke kuch nahi ho sakta. Lekin aaj main un sab baaton ko piche chhod kar aage badh rahi hoon. Maine ye tay kiya hai ki main apne hausle aur apni mehnat se ek naya itihas likhungi . Mera vishwas hai ki agar niyat saaf ho aur mehnat sacchi ho, toh upar wala khud rasta banata hai. Mera Ek Maha-Sankalp hai... Mera maqsad sirf paisa k...
.